जगदम्बा सिमेन्टद्धारा विश्वस्तरीय प्रविधी भिआरएम जडान गरी उत्पादन सुरु

0
273
Jagadambacement_namunanews-696x461

जगदम्बा सिमेन्ट उद्योगले ग्राहक तथा उपभोक्ताको मागलाई मध्यनजर गर्दे आफ्नो उत्पादनलाई अझ विस्तार गरेको छ ।

विश्वस्तरीय प्रविधि जडान गरी उत्पादनलाई थप गुणस्तरिय बनाउने उद्धेश्यले जगदम्बा सिमेन्टले विश्वकै उत्कृष्ट यूरोपियन कंम्पनी एफएल स्मिथ (डेनमार्क र भारत) को अत्याधुनिक प्रविधि भर्टिकल रोलेल मिल्स ९भिआरएम० जडान गरी उत्पादन सूचारु गरेको छ ।

भिआरएम प्रविधि नेपालमा भित्रयाउने जगदम्बा सिमेन्टको दोस्रो कंम्पनी हो भने यो प्रविधि जगदम्बा सिमेन्टको विरगञ्ज स्थित शुभश्री जगदम्बा सिमेन्ट मिल्स् प्रा.लि मा जडान गरिएको छ ।

हालको उत्पादन ४५,००० बोरा प्रति दिन रहेकोमा भिआरएम प्रविधि जडान पश्चात कम्पनीको उत्पादन करिव करिव दोब्बरको हाराहारीमा पुग्ने कम्पनीले जनाएको छ । भिआरएम प्रविधि पश्चात कम्पनीको उत्पादन ८०,००० बोरा प्रतिदिन उत्पादन हुनेछ भने यही प्रविधि जडान गरी कम्पनीले आफ्नो तेस्रो उद्योग नेपाल जगदम्बा सिमेन्ट ई.प्रा.लि बाट पनि चाडै नै उत्पादन शुरु गर्ने जनाएको छ । तेस्रो उद्योग संचालन पश्चात कम्पनीको उत्पादन प्रति दिन १,१०,००० बोरा रहने कम्पनीले जनाएको छ ।

एकातर्फ देशको बढ्दो सिमेन्टको मागलाई सम्बोधन गर्दे सिमेन्ट उद्योगलाई नै आत्मनिर्भर हुन टेवा दिइरहेको छ भने अर्कोतर्फ ग्राहक तथा उपभोक्ताको गुणस्तर प्रतिको चाहनालाई आत्मसाथ गर्दे उपलब्धताको सुनिश्चितता प्रदान गरेको छ । यसरी नै भावी दिनहरुमा आफ्ना सम्पूर्ण उद्योगलाई प्रविधी मैत्री बनाउदै उपभोक्ताको सेवामा सदा समर्पित रहने कम्पनीले प्रतिबद्धता जनाएको छ ।