अरुणकुमार महतो र हरिबहादुर लामालाई साढे पाँच करोड रुपैयाँ ठगी गरेको आरोपमा थुनामा परेका छन्। उक्त रकम पोल्याण्ड पठाउँछु भन्दै ठगी गरेका रहेछन्। पोल्याण्ड पठाइदिने बहानामा ठगी गरेको भन्दै प्रहरीमा उजुरी परेपछि प्रहरीले उनीहरुलाई पक्राउ गरेको थियो। उनीहरुले दै ६ सय नौ जनाबाट यत्ति ठूलो रकम उठाएको प्रहरीको भनाइ छ।
महतो र लामालाई महानगरीय प्रहरी परिसर ललितपुरको टोलीले पक्राउ गरेर अनुसन्धान अगाडि बढाएको थियो। सोही आरोपमा संलग्न अन्य १० जना भने फरार छन्।
प्रमाणपत्रमा काठमाडौं महानगरपालिका ९ मा कार्यालय रहेको भनिए पनि उनीहरुले ग्वार्कोमा दृष्मा ओभरसीज प्रालि संचालन संचालन गरेको देखिएको जिल्ला अदालत पाटनका श्रेस्तेदार चन्द्रप्रकास तिवारीले जानकारी दिए।
उनका अनुसार अभियुक्तको थुनछेक बहस सुरु भएको छ। तिवारीले भने,‘६ सय ९ जनाले उजुरी दिएका छन् र पाँच करोड ४१ लाख रुपैयाँ ठगेको आरोप पीडितको छ।’
उनीहरुलाई जिल्ला अदालत पाटनले फागुन २८ गते पुर्पक्षका लागी थुनामा राख्ने आदेश दिएको हो।