नेकपा एमालेका केन्द्रीय सदस्य तथा सांसद नारदमुनी रानाले कांग्रेस नेतृ आरजु राणा देउवालाई जनताले तिरेको करबाट निर्माण हुने बजेट कुनै नेता बिशेषको गोजीको सम्पत्ति नभएको भन्दै आरजु राणा देउवालाई मान्छेको दलाली गर्ने गरेको आरोप लगाएका छन् ।
आज धनगढी उपमहानगरपालिकाको वडा नम्बर १२ को चुनावी सभालाई सम्बोधन गर्दै कांग्रेस सभापति शेरबहादुर देउवा पत्नी आरजु राणा देउवाले विदेश पठाइदिने भन्दै मान्छेको दलाली गर्ने काममा तल्लीन रहेको आरोप लगाएका छन् ।
‘धनगढीको विकासको कुरा गर्छन् कि भनेर कुरा सुन्न गएका थिए । सुदूरपश्चिममा उद्योग, कलकारखाना, आर्थिक समृद्धि र प्रगतिको कुरा गर्छन् कि भनेर सुन्न गएका थिए’ रानाले भने, ‘तर तपाइहरूका छोराहरू छोरी हरू छन् भने विदेश जान चाहन्छ भने, म विदेश पठाइदिन्छु भन्दै उहाँ मान्छे बेच्ने , मान्छेको दलाली गर्ने काममा तल्लीन हुनुहुने रहेछ ।’ रानाले राणासँग भिजन नभएको समेत आरोप लगाए । उनले भने, ‘उहाँ सँग देश बनाउने सपना रहेनछ ।
सुदूरपश्चिम बनाउने सपना रहिनछ । धनगढी बनाउने सपना रहिनछ । म मात्र होइन सिङ्गो सुदूरपश्चिम बासी निराश भएका छन् । ’ डडेलधुरामा राणाले दिएको अभिव्यक्तिबारे पनि रानाले टिप्पणी गरेका थिए । राणाले डडेलधुरामा आफ्नो घर भएको र कांग्रेसले हारेको ठाउँमा बजेट नदिने बताएकी थिइन् । ‘उहाँ डडेलधुराको बासी हो रे । अनि कैलाली किन रोज्ने चुनावमा रु’ रानाले भने, ‘धनगढीका जनतालाई ढाँट्दै हिँड्नु भएको छ । जहाँ कांग्रेस हार्छ त्यहाँ पैसा दिन्नौ जहाँ कांग्रेस जित्छ त्यहाँ मात्रै पैसा दिन्छौँ । नेपाल सरकारको ढुकुटी राजुको प्रोपटी होइन ।’ उनले नेपाल सरकारको बजेट कुनै व्यक्तिले दिने वा नदिने भन्न नसक्ने बताए । ‘कांग्रेस जितेको भन्दा अरू ठाउँमा पैसा दिन्न भन्छिन् भने त्यहाँका जनताहरूले त्यस्ता नेताहरूलाई लखेट्नु पर्छ ।यो देश कांग्रेसको मात्रै होइन’उनले भने ‘यो देश नेपाली जनताको पनि हो ।’ गठबन्धन गरेर पनि हार्ने डरले बजेट नदिने र दिने भन्दै धम्की दिइरहेको उनले बताए ।
नेकपा एमालेका केन्द्रीय सदस्य तथा सांसद नारदमुनी रानाले जनताले तिरेको करबाट निर्माण हुने बजेट कुनै नेता बिशेषको गोजीको सम्पत्ति नभएको बताएका छन । सांसद रानाले आज धनगढी उपमहानगरपालिका को वडा नम्बर १२ मा आयोजित एमालेको चुनावी सभामा बोल्दै काङ्ग्रेसले जिते मात्रै बजेट गाउँ पठाउने भन्ने काङ्ग्रेस नेत्री आरजु देउवाको भनाईको प्रतिवाद गर्दै बजेट बितरण हुने आफ्नै प्रणाली रहेकोले धम्कीसित नडराएर एमालेको पक्षमा मतदान गर्न आग्रह गरे । उनले प्रत्येक वडाबाट फ्री भिषामा मलेसिया पठाउने भन्दै म्यानपावर ब्यवसायी झै काङ्ग्रेस नेत्री आरजु देउवा गाउँ पसेको बताए ।
